Dhoruba ilikuwa ya giza na ya kutisha,
Mawingu meusi yalitanda juu.
Umeme ulimulika kunizunguka,
Hofu ilinivamia na kunijaza woga.
Ngurumo ilitoa ishara za maafa.
Moyo wangu ulihisi kuwa mzito na kufa ganzi.
Dhoruba ilikuwa ikivuma kila upande,
Msukosuko uliokuwa ndani yangu ulinifanya nishindwe kusema.
Hatari haikuwa tu imenizunguka,
Bali hatari iliyokuwa ndani yangu ilikuwa halisi vilevile.
Nilitetemeka nilipotazama wakati ujao,
Bila kujua ningeanzaje tena.
Nini kilikuwa nyuma ya ukungu?
Upepo ulivuma kwa mluzi masikioni mwangu.
Ukiibua maswali, ukinizuia nisisonge mbele,
Na kunilemea kwa hofu.
Dhoruba hii ilikuwa imeondoa ishara zote za njia,
Ile njia ambayo wakati mmoja nilidhani ningeweza kuiona.
Sasa, kila kitu nilichozoea kilitoweka machoni pangu,
Kila hatua niliyochukua kwa kusitasita.
Nilipofika mwisho wa uwezo wangu, nililia kwa hofu...
"Bwana, njoo kwangu! Usikawie, Ee Mfalme wangu!"
Kimya kizito kilitawala, nilijihisi mpweke kabisa,
Tumaini tu ndilo nililolishikilia.
Kisha sauti tulivu, lakini yenye nguvu, ikasema sikioni mwangu,
"Mwanangu mpendwa, tazama juu."
Kwa nini ombi kama hilo? Nilipokuwa nimezingirwa kabisa,
Na ukungu uliokataa kutoweka.
Bado nikiwa na tumaini, niliinua macho yangu,
Nikitetemeka kwa sababu ya mawingu meusi yaliyonizunguka.
Hata hivyo nilipotazama, niliona kitu kingine zaidi,
Hazina fulani ilipatikana angani.
Katikati ya mawingu yote meusi na ya kutisha,
Hapo palikuwa! Pengo la mwanga!
Upinde wa mvua uliangaza, ukiwa na rangi nzuri mno,
Mwanga wa kuongoza katikati ya usiku huu wa giza.
"Mwanangu, usiogope, hukuwa peke yako kamwe.
Hata kwa sekunde moja sikuweza kuondoka kando yako.
Ingawa njia haionekani wazi, na mengi yanakupasa kuvumilia,
Usitie shaka kwamba unaweza kujificha ndani Yangu."
"Naam, kwa sasa unapita katikati ya majaribu,
Hofu zinatishia ndani na nje.
Unajiuliza na kuhoji ni jambo gani linalopaswa kufanywa baadaye,
Hatari zinaonekana kucheka na kudharau."
"Lakini hapa nimeweka upinde Wangu wa mvua,
Ili katikati ya giza na hofu yote,
Uone kwamba ahadi Yangu ni ya hakika.
Sitakuacha kamwe, bali nitakuwa karibu nawe daima."
"Ukiyaelekeza macho yako kwa ahadi hii,
Nuru Yangu itakuongoza njiani.
Hofu na hatari zinazokuzunguka,
Zitazuiliwa zisikukaribie."
"Ahadi hii inaweza pia kukufunulia,
Siri zilizofichika katikati ya dhoruba.
Kwa maana nguvu na uwezo Wangu hudhihirishwa,
Mambo haya yanapolingana na mapenzi Yangu."
"Kwa hiyo, mwanangu, tazama upinde wa mvua kwa muda mrefu.
Tafakari ujumbe unaoleta.
Ingawa kila kitu kinachokuzunguka kina hasira na vurugu,
Kumbuka ahadi inayoimbwa nao."
