Hatuwezi kumudu kupata faida inayomaanisha hasara kwa mwingine;
Hatuwezi kumudu kukosa taji kwa kujikwaa kwenye msalaba.
Hatuwezi kumudu mzaha wa kutojali unaotunyang’anya rafiki;
Hatuwezi kumudu kicheko kinachoishia katika machozi ya uchungu.
Hatuwezi kumudu karamu ya leo inayoleta mfungo wa kesho;
Hatuwezi kumudu mbio zinazoishia katika msiba hatimaye.
Hatuwezi kumudu kucheza na moto, wala kujihatarisha kuumwa na nyoka;
Hatuwezi kumudu kufikiri kwamba dhambi huleta furaha yoyote ya kweli.
Hatuwezi kumudu kuchukulia kwa uzito dhihaka ya mkosoaji mwenye kejeli;
Hatuwezi kumudu kuyasikiliza kwa uzembe maneno ya wenye hekima.
Hatuwezi kumudu kujibu chuki kwa chuki;
Hatuwezi kumudu kuchochea mwali na kuufanya uwake kwa nguvu zaidi.
Hatuwezi kumudu kuipoteza roho kwa ajili ya pumzi ya muda mfupi ya ulimwengu huu;
Hatuwezi kumudu kubadilishana maisha kwa kifo katika biashara ya wazimu.
Lakini bila WEWE, Bwana uonaye yote, sisi ni vipofu tusione mema;
Ee, utujalie nuru ili tuweze kujua mambo tusiyoweza kumudu!
